AZAL tender elan edib

“Azərbaycan Hava Yolları” QSC (AZAL) hava gəmilərinin, hava limanı sahiblərinin və hava hərəkəti idarəetmə orqanlarının mülki məsuliyyətinin sığortası üçün açıq tender elan edib.

“ENA” xəbər verir ki, tenderdə iştirak haqqı 1 000 manatdır.

İddiaçılar ilkin sənədləri iyunun 8-i, saat 15:00-a qədər, tender təklifi və onun dəyərinin 1%-i qədər bank təminatını isə iyunun 17-si, saat 15:00-a qədər aviaşirkətin qərargahının yerləşdiyi Bakı şəhəri, Xəzər rayonu, Binə qəsəbəsi, Heydər Əliyev Beynəlxalq Aeroportuna təqdim edə bilərlər. Əlaqələndirici şəxs qurumun maliyyə -iqtisadiyyat idarəsionin rəisi Əlyəddin Quliyevdir. Telefon: (012) 497-26-00; 497-28-11 (daxili: 2811).

Təkliflərə iyunun 18-də, saat 11:30-da qeyd olunan ünvanda baxılacaq.