“AccessBank” müştərilərinin nəzərinə vacib məlumat

“AccessBank” müştərilərinə təqdim etdiyi xidmətin keyfiyyətini artırmaq məqsədilə T24 Bank sistemində təkmilləşdirmə işlərinin aparılmasını planlaşdırır. Bu səbəbdən 19-24 mart tarixlərində aşağıda sadalanan istiqamətlər üzrə xidmət məhdudiyyətləri tətbiq olunacaq:

Bankdaxili ödəniş terminalları, “myAccess” internet və mobil bankçılıq xidmətləri, həmçinin E-manat, Milli On, Goldenpay, Hesab.az ödəniş sistemləri vasitəsilə əməliyyatların icrası müvəqqəti olaraq dayandırılacaq.

Kartlarla bağlı digər bütün əməliyyatlar – bankomatlarda nağdlaşdırma, POS terminallar ilə ödənişlər, elektrononlayn ticarət, digər tətbiq və onlayn ödəniş kanalları vasitəsilə kartdan karta əməliyyatların icrası olduğu qaydada davam edəcək.

25 mart tarixindən etibarən bütün xidmətlər fəaliyyətlərini bərpa edəcəklər.