Azərbaycanlılar 2 ayda bu ölkədə 145 mənzil alıb
2021-ci ilin yanvar-fevral aylarında azərbaycanlılar Türkiyədə 145 mənzil alıblar. 2020-cu ilin eyni dövründə azərbaycanlılar Türkiyədə 189 mənzil almışdılar.
ENA.az xəbər verir ki, Türkiyənin Statistika Komitəsinin bildirdiyinə görə, azərbaycanlılar Türkiyədə yanvar ayında 68 mənzil, fevral ayında 77 mənzil alıblar. Ötən ilin eyni aylarında say müvafiq olaraq 99 və 90 mənzil olmuşdu.
Azərbaycanlılar Türkiyədə mənzil alan xaricilər arasında 9-cu yerdədir.
Azərbaycanlılar Türkiyədə 2016-da 610 mənzil, 2017-ci ildə 942 mənzil, 2018-ci ildə 1250 mənzil, 2019-cu ildə 1191 mənzil, 2020-ci ildə 1279 mənzil alıblar
