Kredit portfeli 1 milyard manatdan çox olan 4 bank
Azərbaycanda fəaliyyət göstərən 26 bankdan 12-nin bu il yanvarın 1-nə kredit portfeli illik müqayisədə az olub.
Bunlar “Bank BTB”, “Yelo Bank”, Pakistan Milli Bankının Bakı filialı, “Azərbaycan Sənaye Bankı”, “Express Bank”, “Muğan Bank”, “Bank Respublika”, “Azər-Türk Bank”, “Access Bank”, “Xalq Bank”, “Yapı Kredi Bank Azərbaycan” və “AFB Bank”dır.
Ən çox azalma “AFB Bank”da (57,2%), ən az azalma isə "Bank BTB"də (0,3%) qeydə alınıb.
Qalan 14 bankın isə kredit portfeli artıb. Ən yüksək dinamika "Bank VTB Azərbaycan"da (38,7%), ən aşağı dinamika isə "Premium Bank"da (0,4%) qeydə alınıb.
4 bankın kredit portfeli 1 milyard manatdan çoxdur
Azərbaycanda fəaliyyət göstərən 26 bankdan 4-nün bu il yanvarın 1-nə kredit portfeli 1 milyard manatdan çox olub.
Bunlar "Azərbaycan Beynəlxalq Bankı" (2 milyard 366 milyon 233 min manat), "PAŞA Bank" (2 milyard 60 milyon 484 min manat), "Kapital Bank" (1 milyard 901 milyon 168 min manat) və "Xalq Bank"dır (1 milyard 454 milyon 135 min manat).
Qalan 22 bankdan 18-də kredit portfeli 100 milyon manatdan 1 milyard manata qədər, 2 bankda 10-100 milyon manat arasında, 2 bankda isə 10 milyon manatdan azdır.
