Putin: Qarabağ müharibəsi 2020-ci ilin ən mühüm hadisəsi olub
Rusiya prezidenti Vladimir Putin azərbaycanlı həmkarı İlham Əliyevlə görüşdə Dağlıq Qarabağ münaqişəsinin gərginləşməsini ötən ilin ən mühüm hadisəsi adlandırıb.
"Təbii ki, Dağlıq Qarabağda ağır vəziyyət ötən ilin ən mühüm hadisəsidir", - deyə o bildirib.
"Lakin mən döyüş əməliyyatlarını, qan tökülməsini dayandırmağa müvəffəq olmağımızdan məmnunluğumu bildirmək istəyirəm, sülhməramlı missiya öz funksiyasını yerinə yetirir və bütövlükdə, vəziyyət tədricən normallaşır", - deyə Putin əlavə edib.
O, Rusiya və Azərbaycan prezidentlərinin və Ermənistan baş nazirinin Dağlıq Qarabağla bağlı üçtərəfli bəyanat imzalamasının vacibliyini də vurğulayıb.
