“Dərman qıtlığını süni yaradırlar” - Səhiyyə komitəsinin sədri
“Bu gün pandemiyaya qarşı mübarizə sahəsində müəyyən çətinliklər var. Xəstələrin ambulator müalicəsi üçün apteklərdə antiviral dərmanların qıtlığı yaşanır”.
Bunu səhiyyə komitəsinin sədri Əhliman Əmiraslanov parlamentdə deyib.
O qeyd edib ki, antiviral dərmanların çatışmazlığı süni olaraq yaradılıb: “Bundan vəsait qazananlar var. Bu məsələylə bağlı ciddi tədbir görülməlidir. Ölkəmizdə kifayət qədər dərman ehtiyatı var, amma bu qıtlığı süni olaraq yaradırlar”.
