Azərbaycana pul köçürmələri azaldı: hansı ölkələrdən daha çox pul gəldi?

2020-ci ilin yanvar-sentyabr aylarında fərdi şəxslərin Rusiyadan Azərbaycana pul köçürmələri 352,456 milyon dollar təşkil edib.

Azərbaycan Mərkəzi Bankının məlumatına görə, 2019-cu ilin 9 ayında fiziki şəxslər Rusiyadan Azərbaycana 425.907 milyon dollar köçürmüşdülər. Beləliklə, 2020-ci ilin yanvar-sentyabr aylarında fərdi şəxlərin Rusiyadan Azərbaycana pul köçürmələri 17.2% azalıb.

Ümumiyyətlə, hesabat dövründə Azərbaycana köçürmələrin həyata keçirildiyi ölkələr arasında yenə də Rusiya birincidir. 2020-ci ilin yanvar-sentyabr aylarında Azərbaycana pul köçürmələri 681.924 milyon dollar təşkil edib ki, bu da ötən ilin eyni dövrü ilə müqayisədə 1.6% azalma deməkdir. Eyni zamanda, hesabat dövründə Azərbaycandan xaricə pul köçürmələri 23,2% - 383,009 milyon dollara qədər artmışdır.

Fiziki şəxslərin Azərbaycana köçürmələrinin həyata keçirildiyi ilk beş ölkəyə bunlar daxildir: Türkiyə - 55,694 milyon dollar (artım 6,3%), ABŞ - 40,707 milyon dollar (artım 39,9%), Qazaxıstan - 29,939 milyon dollar (artım 2,6 dəfə) və Birləşmiş Ərəb Əmirlikləri - 29,193 milyon dollar (artım 2,4 dəfə).

Azərbaycandan fərdi şəxslərin xaricə pul köçürmələri arasında isə Türkiyə birinci yeri tutur. Beləliklə, hesabat dövründə Azərbaycandan Türkiyəyə transferlər 85.659 milyon dollar təşkil edib ki, bu da 2019-cu ilin üç rübü ilə müqayisədə 24% çoxdur.

Yanvar-sentyabr aylarında fərdi şəxslərin Azərbaycandan köçürmələri: Rusiyaya - 77,162 milyon dollar (azalma 4,1%), Gürcüstan - 42,532 milyon dollar (artım 2,4 dəfə), ABŞa - 40,151 milyon dollar (artım 65,9%), Böyük Britaniyaya - 19.324 milyon dollar (artım 21.1% ) və Almaniyaya - 16.978 milyon dollar (artım 8.9%) təşkil edib.