Türkiyədə turistlər üçün yeni vergi tətbiq edildi

Bundan sonra Türkiyəyə təkbaşına səyahət edən turistlər əlavə haqq ödəməli olacaqlar. Mütəxəssislərin fikrincə, yeni vergi turizm sənayesindəki böhran vəziyyəti daha da ağırlaşdıra bilər.

ENA.az bu barədə xarci KİV-ə istinadən xəbər verir.

Türkiyədə noyabrın 1-dən turistlər otellərdə yaşamaq üçün bron qiymətinin 1%-i həcmində vergi ödəyəcəklər. Verilən məlumata görə, 2021-ci ilin yanvarın 1-dən vergi məbləği 2%-ə qədər artırılacaq.

Qeyd edək ki, turistlərdən vergi tutmaq təklifi 2020-ci il aprelin 1-də irəli sürülmüşdü, lakin mart ayında turizm sənayesinə dəstək tədbirləri çərçivəsində bu plan təxirə salındı. Ölkənin turizm sənayesinin nümayəndələri yeni verginin tətbiq olunmasını dəstəkləmirlər – onların fikrincə, bu, Türkiyədə istirahətin bahalaşacağına səbəb olacaq.

Bildirilir ki, Türkiyə kurortlarına paket turu ilə səyahət edənlər üçün demək olar ki, heç nə dəyişməyəcək. Turun qiymətinə əlavə 1% vergi daxil ediləcək.