Neft bahalaşmağa başladı - Qiymət
ABŞ-da yeni stimullaşdırıcı maliyyə paketi ilə bağlı məsələlər neft qiymətlərinin artmasına səbəb olub. London ICE Futures birjasında Brent markalı neftin dekabr fyuçerslərinin qiyməti bu gün səhər 9:15-ə qədər 41,5 dollar/barel təşkil edir ki, bu da əvvəlki sessiyanın sonundakı qiymətdən 0,21 dollar (0,51%) çoxdur. Bazar ertəsi günü edilən ticarət nəticəsində bu müqavilələr 2,02 dollar (5,1%) artaraq bir barel üçün 41,29 dollar olub.
Nyu-York Ticarət Birjasında (NYMEX) elektron ticarətdə noyabr ayı üçün WTI xam neftinin fyuçerslərinin qiyməti bu vaxta qədər 39,4 dollar/barel təşkil edib ki, bu da əvvəlki sessiyanın səviyyəsindən 0,18 dollar (0,46%) çoxdur. Bazar ertəsi fyuçerslər 2,17 dollar (5,9%) artaraq 39,22 dollar / barelə çatıb.
Nümayəndələr Palatasının sədri Nensi Pelosi və ABŞ Maliyyə katibi Steven Mnuchin bazar ertəsi günü yeni bir stimul paketi ilə bağlı danışıqların növbəti mərhələsini apardılar, lakin ABŞ Prezidenti Donald Trampın məsələni həll etmək çağırışlarına baxmayaraq tərəflərin razılığa yaxın olduğuna dair heç bir siqnal yoxdur.
