Kapital Bank işçi axtarır - VAKANSİYA
Analitika şöbəsinin meneceri
Ümumi məlumat
Kapital Bank namizədləri Pərakəndə Satış Departamentinin Analitika şöbəsinin meneceri vəzifəsinə müraciət etməklə peşəkar komandanın üzvü olmağa dəvət edir.
Öhdəliklər:
• Data əsaslı fəaliyyət strategiyası və qərar qəbuletmə ilə bağlı təkliflər verir;
• Data Analitikası sahəsində yeniliklərin izlənilməsini və innovasiyanın tətbiq olunmasını təşkil edir;
• Müxtəlif sorğu və rəylərin hazırlanmasında iştirak edir;
• Toplanmış məlumatların ümumi və keyfiyyət analizini təşkil edir, aparılmış analizlər əsasında hesabat və təkliflərin hazırlanmasını təşkil edir;
• Statistik məlumatların toplanması istiqamətində təkliflər verir və icrasında iştirak edir
• Dövri statistik icmalın hazırlanması, statistika üçün məlumatların toplanması və ümumiləşdirilməsində iştirak edir;
• BI (Business Intelligence) texnologiyalarının tətbiq olunmasını, müvafiq sistemlərin qurulmasını təşkil edir və idarə edilməsində iştirak edir;
• Mövcud hesabatların və BI həllərin işləkliyinə nəzarət edir. Əgər uyğunsuzluq olarsa, operativ olaraq müdaxilə edir, problemin həllini təmin edir;
• Hesabatların düzgünlüyünə nəzarət edir, onların sürətli və effektiv işləməsini təmin edir;
• Deskriptiv, Diaqnostik və Prediktiv hesabatların və təhlillərin hazırlanmasını, qərar qəbuletməyə təsir edəcək hesabat və rəylərin formalaşdırılması və təqdim olunmasını təşkil edir;
• Fəaliyyət istiqaməti üzrə şöbəyə daxil olan müraciətləri araşdırır və cavablandırılmasını təmin edir;
• Şöbənin işinin təkmilləşdirilməsi ilə bağlı təkliflər verir və rəhbərlik tərəfindən verilən tapşırıqları yerinə yetirir;
Tələblər:
• Dəqiqlik, detallara qarşı diqqətlilik;
• Analitik təfəkkür və yüksək təhliletmə qabiliyyəti;
• Fundamental statistika biliyi (deskriptiv analiz, hipotez testi, reqressiya analizi və s.);
• Yüksək səviyyədə Microsoft Excel üzrə biliklər;
• İri həcmli məlumat bazası və SQL sorğu dili ilə işləmək bacarığı;
• Vizuallaşdırma alətlərindən ən azı biri ilə işləmə bacarığı;
• Data analitika alətlərindən (Python, R, və s.) ən azı biri ilə işləmə bacarığı.
Təhsil / İxtisas / Təcrübə
• İnformatika, riyazi və ya iqtisadi sahədə ali təhsil
• İqtisadi sahə üzrə ixtisas arzuolunandır
Biz Sizə stabil iş yeri, dinamik inkişaf, yüksək əmək haqqı və peşəkar kollektivdə çalışmaq imkanı təqdim edirik! Əgər təklifimiz Sizə maraqlıdırsa, https://hr.kapitalbank.az/ portalımızdan qeydiyyat keçərək vakansiyamıza müraciət eləyə bilərsiniz.
