İdarənin icraatında olan 700 min işin yarısı kredit borcları ilə bağlıdır
“Ədliyyə Nazirliyi İcra Baş İdarəsinin icraatında olan 700 mindən artıq işin yarısı kredit borcları ilə bağlıdır”.
ENA.az xəbər verir ki, bu sözləri Ədliyyə Nazirliyi İcra Baş İdarəsinin Kredit borcları şöbəsinin rəis əvəzi Emin Veysov deyib.
O qeyd edib ki, problemli kreditlərin restrukturizasiyası ilə bağlı Prezidentin Fərmanından sonra təxminən 100 minə yaxın iş banklarda öz həllini tapıb:
“Bu işlərin çoxu məhkəmə çəkişmələrindən sonra İcra Baş İdarəsinə gəlib çıxmışdı. İdarədə vətəndaşların banklara olan borclarının ödənilməsi şəraiti yaradılıb”.
