Gürcüstan əhalisinin 20%-i üçün COVID-19 əleyhinə peyvənd sifariş olunub
“Gürcüstan əhalisinin 20%-i və ya 700 min nəfər üçün koronavirus əleyhinə peyvənd sifariş olunub”.
ENA.az xəbər verir ki, bunu ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib.
O deyib ki, Gürcüstan Qlobal Peyvənd Alyansına artıq rəsmi müraciət təqdim edib: “Peyvəndi tənzimləyici qurumlar və Ümümdünya Səhiyyə Təşkilatı təsdiq edəndən sonra əldə edəcəyik. Preparat ilk növədə risk qrupunda olan insanlar üçün əlçatan olacaq”.
