“Yapı Kredi Bank Azərbaycan”nın Müşahidə Şurasının tərkibində dəyişiklik olub
“Yapı Kredi Bank Azərbaycan” QSC-nin rəhbərliyini iki şəxs tərk edib. Onlardan biri Müşahidə Şurasının sədr müavini (italiyalı) və digəri isə (almaniyalı) üzvidir.
ENA.az xəbər verir ki, bankın Müşahidə Şurasının sədr müavini Marco Iannaccone vəzifəsini tərk edib. O, 2019-cu ilin oktyabrında təyin edilib.
Marco Iannaccone 1983-cü ildə Universita degli Studi di Venezia-dan bakalavr bitirib, daha sonra isə Clemson Universitetindən İdarəetmə üzrə magistratura təhsili alıb.Professional karyerasında 2002-ci ildə “Unicredit Private Banking SpA”da Aktivlərin idarəedilməsi bölməsinin aidiyyətdə M&A fəaliyyəti üzrə məsul şəxs kimi başlayıb, daha sonra isə müxtəlif illərdə Unicredit Şəxsi Sərvət məsləhəçisi, Strategiya, Planlama və nəzarət üzrə rəhbər vəzifələrdə fəaliyyətini davam etdirib. 2008-2013-cü illərdə isə Bank Pekao Sa-da Baş Maliyyə məmuru vəzifəsini icra edib. 2013-2016-cı illərdə “Yapı Kredi Bankası” A.Ş (Türkiyə) ofisində İcraçı Vitse Prezident və Baş Maliyyə direktoru vəzifəsində çalışıb. 2016-2019-cu illərdə isə “UniCredit” Bankının (Macarıstan) Baş Direktor müavini olub.
Həmçinin, 2019-cu ilin iyil ayından etibarən isə “Yapı Kredi Bankası” A.Ş (Türkiyə) ofisində İcraçı Direktor və Əməliyyatlar üzrə Baş İnzibatçı vəzifəsində işləyib.
Vəzifəsini təkr edəkən daha bir şəxs isə Albert Angersbach-dır. O, Müşahidə Şurasının üzvü idi.
Albert Angersbach 2006-cı ildə Frankfurt am Main Tədbiqi Elmlər Universitetinin Maliyyə və Hüququn Beynəlxalq tədrisi fakultəsini bitirib. 2006-cı ildən başlayaraq Avstriyanın Vyana şəhərində UniCredit Bankda Korporativ Kredit Analitiki kimi çalışıb. 2007-2010-cu illərdə isə Deutsche Bankın Frankfurt ofisində Kredit İnzibatçısı/Vitse Prezidentin müavini vəzifəsini icra edib. 2010-2013-cü illərdə isə Alma-Ata şəhərində ATF Bank-UniCredit Qrupunda əvvəl Kredit təsis üzrə rəhbəri , daha sonra isə Baş Risk İnzibatçısı kimi fəaliyyət göstərib. 2013-2016-cı illərdə isə Kiyevdə yerləşən UkrsotsBank- UniCredit Qrupunda Korporativ Kredit Əməliyyatları üzrə müdiri kimi çalışıb. 2016-2018-ci ilələrdə Zaqrebdə Zagrebacka Bank-UniCredit Qrupuna Baş Risk İnzibatçısı kimi çalışan Albert Angersbach 2018-ci ildən etibarən Yapı Kredi Bankası A. Ş Türkiyədə Risklərin İdarəedilməsi üzrə Baş Direktor müavini vəzifəsini icra edir.
İki şəxsin vəzifəsini tərkindən sonra Müşahidə Şurası üç nəfər ilə hamısı Türkiyə vətəndaşları ilə təmsil olunur.
