İşsizlikdən sığorta fondunun 2020-ci il büdcəsi dəyişdirilir
![](https://ena.az/uploads/news/2020-08/_ena_6d5295bb0df3326a175684df4_o.jpg)
Milli Məclisin bu gün keçirilən növbədənkənar iclasında İşsizlikdən sığorta fondunun 2020-ci il büdcəsinə dəyişiklik birinci oxunuşda müzakirəyə çıxarılıb.
ENA.az-ın məlumatına görə, İşsizlikdən Sığorta Fondunun gəlir və xərcləri artırılıb. 2020-ci il büdcəsinin gəlir və xərclərinin 151 235 400 manat məbləğində təsdiq edilməsi təklif edilir. Əvvəl bu rəqəm 128 235 400 manat məbləğində idi.
Müzakirələrdən sonra dəyişiklik səsə qoyularaq qəbul edilib.