Statistika Komitəsinin vəzifələrindən biri LƏĞV EDİLDİ
Nazirlər Kabineti “Büdcə təşkilatlarında kommunal xidmətlərin (elektrik və istilik enerjisi, təbii qaz və su) istehlakına görə limitlərin müəyyən edilməsi və tənzimlənməsi Qaydası”nın təsdiq edilməsi haqqında” qərarında dəyişiklik edib.
“ENA”nın məlumatına görə, dəyişikliyə əsasən Dövlət Statistika Komitəsinin büdcə təşkilatları ilə birlikdə kommunal xidmətlərdən istifadə barədə (miqdar və pul ifadəsində) rüblük və illik hesabat aparılmasını təmin etmək vəzifəsi ləğv olunub.
Nazirlər Kabineti Dövlət Statistika Komitəsinin Maliyyə Nazirliyi ilə razılaşdırılmış təklifini nəzərə alaraq belə bir qərar qəbul edib.
