Azərbaycan bu il Gürcüstandan 4,2 milyon dollarlıq gübrə alıb
Bu ilin yanvar-may ayları ərzində Gürcüstan Azərbaycana azotlu gübrə ixracını illik müqayisədə 12 025,5 ton və ya 86,5% artıraraq 25 932,5 tona çatdırıb.
Bu barədə Gürcüstan Milli Statistika İdarəsindən bildirilib.
Qeyd olunub ki, hesabat dövründə Azərbaycana ixrac edilən məhsulun dəyəri illik ifadədə 1 milyon 587,8 min ABŞ dolları və ya 60% artaraq 4 milyon 233,9 min dollara çatıb.
Xatırladaq ki, 2019-cu ilin ilk beş ayında Gürcüstan Azərbaycana 2 milyon 646,1 min dollar dəyərində 13 901 ton azotlu gübrə ixrac edib.
