Türkiyə bu tarixdən xarici aviareysləri bərpa edir
Türk Hava Yolları iyunun 18-dən etibarən Avropanın 16 şəhərindən aviareysləri bərpa edəcək.
ENA.az xəbər verir ki, bu barədə THY şirkətinin mətbuat katibi Yahya Üstün tvitter hesabında açıqlama verib. Onun sözlərinə görə, ilkin olaraq Avropanın 16 şəhərindən Türkiyənin 14 şəhərinə uçuşlar bərpa ediləcək.
“Bazeldən Qaziantepə, Frankfurtdan Elazığa ... 18 İyun tarixindən etibarən Avropanın 16 şəhərindən Anadoluda 14 nöqtəyə birbaşa uçuşlara başlayacağıq. Bayraq daşıyıcısı olaraq, vətənin yolunu bir az daha qısaldacağıq və qonaqlarımızı daha qısa müddətdə sevdiklərinə çatdıracağıq”,- deyə Üstün bildirib.
