Azərbaycanda bu banklara 1 ay VAXT VERİLDİ
Auditə və hesabatların vaxtı-vaxtında dərc olunmasına, müştərilərin və əhalinin məlumatlandırılmasına dair banklara qarşı tələblər Mərkəzi Bank tərəfindən kəskin artırılmışdır.
ENA.az xəbər verir ki, bunu Azərbaycan Mərkəzi Bankının sədri Elman Rüstəmov keçirdiyi mətbuat konfrasında bildirib.
“Banklar hər ilin ilk 5 ayı ərzində əvvəlki il üzrə audit hesabatını açıqlamalıdırlar. Bu gün verilən məlumata görə, pandemiya ilə əlaqədar yalnız 2 bank – RabitəBank və AccessBank bunu edə bilməyiblər. Onlar Mərkəzi Banka müraciət edib 1 ay möhlət istəyiblər. Onlar da İyun ayı ərzində bu prosesi başa çatdıracaqlar”,- Elman Rüstəmov əlavə edib.
