Banklara dollar satıldı: MƏBLƏĞ
Azərbaycan Mərkəzi Bankı cümə axşamı günü Dövlət Neft Fondunun (ARDNF) iştirakı ilə keçirilən valyuta hərracında banklara 56,5 milyon dollar satdı.
Mayın 5-də keçirilən əvvəlki auksionda AMB banklara 62,9 milyon dollar xarici valyuta satmışdı.
"Cümə axşamı hərracda bankların tələbi 56,5 milyon dollar təşkil edib və tam təmin edildi. Hərrac nəticəsində manatın dollara nisbətdə orta məzənnəsi 1,7 manat / $ 1 təşkil edib və cümə axşamı səhər məzənnə ilə müqayisədə dəyişməyib", - deyə AMB-dən bildiriblər.
Mart ayında Azərbaycanda neftin qiymətinin əhəmiyyətli dərəcədə azalması fonunda xarici valyutaya tələbin artması müşahidə olundu, lakin martın 29-dan etibarən tələb tədricən azalmağa başladı.
Əvvəllər xəbər verildiyi kimi, Dövlət Neft Fondundan verilən məlumata görə, 2020-ci ilin yanvar-aprel aylarında fond valyuta hərraclarında 3 milyard 303 milyon ABŞ dolları həcmində xarici valyuta satılıb və ötən ilin eyni dövrü ilə müqayisədə artım 67,2%-dir.
Martda - 1 milyard 928,3 milyon dollar, apreldə - 531.1 milyon dollar satılıb
ARDNF isə bu il valyuta hərraclarında 6.8 milyard dollar satmağı planlaşdırır.
Xatırladaq ki, 12 yanvar 2017-ci il tarixindən etibarən AMB valyuta hərraclarının yeni mexanizmini tətbiq etməyə başlayıb.
