Kapitalı 2 manat olan şirkət Qobustanda bina tikəcək – 3 MİLYON MANATLIQ MÜQAVİLƏ
Qobustan Rayon İcra Hakimiyyəti “Cənub Təmir Tikinti-1” MMC ilə müqavilə imzalayıb.
ENA.az Banker.az-a istinadən xəbər verir ki, müqavilədə Qobustan şəhərində 48 mənzilli 2 bloklu 4 mərtəbəli yaşayış binasının tikintisi nəzərdə tutulub.
Müqavilənin məbləği 2 milyon 935 min 19 manatdır.
Bildirək ki, “Cənub Təmir Tikinti-1” MMC-nin nizamnamə kapitalı 2 manatdır və qanuni təmsilçisi Qüdrət Əmikişiyev İsmət oğludur. Bu şirkət 2018-ci ildə dövlət qeydiyyatına alınıb.
