ABŞ hökuməti koronavirusun ikinci dalğasının payızda olacağını proqnozlaşdırır
ABŞ hökuməti COVID-19 virusun ikinci dalğasının payızda olacağını proqnozlaşdırıb.
ENA.az bu barədə xarici mətbuata istinadən məlumat verir.
Ölkənin yoluxucu xəstəliklər üzrə baş mütəxəssisi Entoni Fauçi, koronavirus infeksiyasının siklik xarakter kəsb etdiyini bildirir.
Onun sözlərinə görə, koronavirus pandemiyasının ikinci dalğası “başqa bir top oyunu” olacaq.
“İndi yaşadığımız hadisələr bizə dərs oldu”, – Entoni Fauçi əlavə edir.
“Ümid edirəm ki, bu baş verməz, amma biz hazırıq”, – ABŞ prezidenti Donald Tramp bununla bağlı öz fikrini söyləyir.
