Türkiyə "İqtisadi Sabitlik Qalxanı"qaldırdı: COVİD-19 əleyhinə 19 MADDƏ

Türkiyə iqtisadiyyatı  koronovirusa qarşı "İqtisadi Sabitlik Qalxanı" qaldırdı. ENA.az xəbər verir ki, COVİD-19-a qarşı 19 maddə irəli sürülüb. 

Bununla bağlı Türkiyə prezidenti Rəcəp Tayyip Ərdoğan açıqlama verib. 

"Maliyyə qurumlarında kredit limiti olan şirkətlərin likvidlik və nağd pul ehtiyaclarına tez bir zamanda cavab vermələri, həmçinin kredit limitlərini məhdudlaşdırmaması vacibdir.

İstəyirik ki, bütün maliyyə qurumları mövcud kredit limitindən istifadə etmədən, qiymətləri artırmadan və girov şərtlərini çətinləşdirmədən krediti geri çağırmasınlar. Bundan əlavə, institusional firmaların, KOB-ların, fiziki şəxslərin, müvəqqəti iş və dövriyyə və ya buna bənzər səbəblər üzündən gəlir itirən şəxslərin kredit borcu ilə əlaqədar faiz, yeniləmə, tənzimləmə tələblərinə dərhal və müsbət cavab verilməlidir. Türkiyə Banklar Birliyinin bu mövzuda aldığı tövsiyə qərarına, bütün maliyyə qurumlarının uyacağına inanırıq. Bu prosesi yaxından izləyəcəyik". 

- "100 milyard lirəlik resursu dövriyyəyə buraxırıq"

Epidemiyanın təsirlərini azaltmaq üçün bir sıra tədbirlərin görüldüyünü deyən Prezident Ərdoğan, "İqtisadi Sabitlik Qalxanı" dediyimiz bir paketlə Kovid-19 yayılmasının təsirini azaltmaq üçün cəmi 100 milyard lirəlik dövriyyəni istifadəyə veririk", deyib. 

Ərdoğan, tədbirlərdə yer alan 19 maddəni izah edib:

1- pərakəndə, ticarət mərkəzləri, dəmir-polad, avtomobil, logistika-nəqliyyat, kinoteatr, yaşayış, qida-içki, tekstil geyim və tədbir təşkilatçılığı sektorları üçün ƏDV-ni və sosial müdafiə sisteminə ödəmələri aprel, may və iyun ayları üzrə tutulmasını 6 ay təxirə salırıq.

2- Noyabr ayına qədər qonaqlama vergisini tətbiq etməyəcəyik (bu daha çox turizm sektoruna şamil edilir). 

3- Aprel, May və İyun aylarında otel kirayəsi və gəlir payından ödənişlər ödənişlərini 6 ay təxirə saldıq.

4- Daxili hava nəqliyyatında 3 ay üçün ƏDV dərəcəsini 18 faizdən 1 faizə endiririk.

5- Kovid-19 ilə əlaqəli tədbirlərin təsirindən nağd dövriyyəsi pisləşən şirkətlərin kredit borcu və faiz ödənişlərini ən azı 3 aya təxirə salacağıq və lazım olduqda əlavə maliyyə dəstəyi verəcəyik.

6- İxracatın müvəqqəti zəifləməsi zamanı ixracatçıya maliyyələşdirmə dəstəyi verəcəyik.

7- Bu dövrdə, zərərçəkən şirkətlərin Halkbank'a kredit borclarının əsas və faiz ödənişlərini 3 ay təxirə salacağıq və faizlər ləğv olunur.

8- Kredit zəmanət fondunun yuxarı həddini 25 milyard lirədən 50 milyard lirəyə qədər artıracağıq və likvidlik ehtiyacı, girov çatışmazlığı olan KOB-lara dəstək verəcəyik. 

9- Vətəndaşlarımız üçün əlverişli və sərfəli şərtlərlə sosial məqsədlər üçün kredit paketlərinin tətbiqini təşviq edəcəyik.

10-500 min lirədən aşağı olan evlər üzrə ipotekaların ilkin ödənişini 10 faizə endirəcəyik.

11- Koronavirusun təsiri ilə aprel, may və iyun aylarında defolt etmiş firmaların kredit reyestrlərində 'fors major' dərəcəsinə sahib olmasını təmin edəcəyik.

12- Minimum əmək haqqı dəstəyini davam etdirəcəyik.

13- Qanunvericiliyimizdə çevik və uzaqdan işləyən modellərin daha təsirli olmasını təmin edəcəyik.

14- Qısa iş icazəsini tətbiq edəcəyik, bundan faydalanmaq üçün lazım olan prosesləri asanlaşdıracağıq və sürətləndirəcəyik. Beləliklə, işlərini dayandıran iş yerlərində çalışanlara müvəqqəti gəlir dəstəyi verdiyimiz halda, işəgötürənlərin xərclərini azaldacağıq.

15- Ən aşağı pensiyanı 1500 lirəyə qədər artırırıq.

16- Biz təqaüdçülərin bayram pulunu aprel ayının əvvəlində ödəyirik.(Ramazan bayramı nəzərdə tutulur)

17- Ailə, Əmək və Sosial Siyasətlərimiz tərəfindən müəyyən edilmiş meyarlara uyğun olaraq ehtiyacı olan ailələrə nağd yardım üçün əlavə 2 milyard lirə ayırırıq.

18- Məşğulluğun davamlılığını təmin etmək üçün 2 aylıq təzminat müddətini 4 aya artırırıq.

19- Tək yaşayan 80 yaşdan yuxarı yaşlı insanlarımız üçün sosial və ev sağlamlıq xidmətlərindən ibarət dövri təqib proqramına başlamışıq.