Kirayə mənzilin 1 kv.m-i 3034 manata təklif olunur: QİYMƏTLƏR
Kirayə mənzil mexanizmi ilə mənzil alanlara Bakıda "Qara Qarayev" metro stansiyası yaxınlığında mənzilin 1 kvadrat metri (kv.m) təxminən 3000 manata başa gələcək.
Artıq bir sıra müraciətçilər mənzil seçiminə başlayıblar. Onlara edilən təklifə görə, Bakıda Mehdi Abbasov küç, 13A, 15 və 138 ünvanlarında yerləşən mənzilin kirayəçi üçün 1 kvadrat metrinin alış dəyəri 3000 manat civarında olacaqdır.
Məsələn, 86,4 kv.m mənzilin kirayəçi tərəfindən alış qiyməti 262 min 143 min manatdır. Yəni, mənzilin 1 kv.m-i 3034 manata təklif olunur. Bu mənzili seçən 300 ay müddətində hər ay 874 manat ödəməlidir. Qabaqcadan ödənişin məbləği isə 10 min 486 manatdır. Qeyd edək ki, qabaqcadan ödəniş alış qiymətinə daxildir.
102,6 kv.m mənzilin alış dəyəri isə 302 min 145 manatdır (1 kv.m-i 2944 manat). Aylıq ödəniş 1007 manat, qabaqcadan ödəniş isə 12 min 58 manatdır.
Sahəsi 156 kv. m olan məznil isə 454 min 149 manata təklif olunur. Qabaqcadan ödəniş 18 min 157 manat, aylıq ödəniş isə 1514 manatdır.
66,4 kv.m mənzil isə kirayəçiyə 300 ayın sonunda 196 min manata, yəni 1 kvadrat metri 2951 manata başa gələcək. Bu mənzili seçə bilən öncədən 7840 manat, 300 ay müddətində hər ay isə 653 manat ödəməlidir.
Mehdi Abbasov küçəsindəki yaşayış binasından mənzil seçənlərin aylıq ödənişləri mənzilin sahəsindən asılı olaraq 653 manat - 1513 manat civarında olacaqdır.
Mənzilin seçilməsi mərhələsinə çatan kirayəçilərin çoxu məyus olublar. Onların bir çoxu mənzil seçməkdən imtina ediblər. Onlar hesab edirlər ki, ipoteka ilə mənzil almaq kirayə mənzil mexanizmindən sərfəlidir.
