Kapitalından ən yaxşı qazanan banklar - SİYAHI

Azərbaycanda fəaliyyət göstərən 30 bank bu ilin yanvar-sentyabr aylarını 522,7 milyon manat xalis mənfəətlə başa vurub ki, bu da onların bu il oktyabrın 1-nə malik olduqları 4 milyard 773, milyon 569 min manat məbləğində nizamnamə kapitalının 10,95%-i qədərdir.

Ayrı-banklarda isə sözügedən nisbət fərqlidir. Belə ki, yanvar-sentyabr aylarından mənfəətlə çıxmış 23 bank arasında nizamnamə kapitalından ən yaxşı istifadə edəni "Bank of Baku" ASC olub. Bu bankın əldə etdiyi mənfəət kapitalının 61%-ni təşkil edib. Baxmayaraq ki, "Bank of Baku" kapitalının məbləğinə görə, Azərbaycanda 25-ci bankdır.

Fəaliyyət effektivliyinə görə, 2-ci yeri "Unibank" ASC tutub. Bank ötən 9 ayda nizamnamə kapitalının 53,2%-i qədər mənfəət əldə edib. Xatırladaq ki, "Unibank" kapitalının məbləğinə görə, 30 bank arasında ölkədə 8-cidir.

Mənfəətinin kapitalına nisbətinə görə 3-cü yerə isə 44,1%-lik göstərici ilə "Kapital Bank" ASC sahib olub. Baxmayaraq ki, "Kapital Bank" nizamnamə kapitalının məbləğinə görə, ölkədə 7-cidir.

Mənfəətlə işləyən qalan 20 bankdan 7-də sözügedən göstərici 10-26% arasında, 8 bankda 1-10% arasında, 5 bankda isə 0-1% arasında dəyişir.

Qeyd edək ki, "Bank of Baku"  və  "Unibank"ın mənfəətlərinin artmasının böyüh hissəsinin əvvəlki illər ehtimal olunan kredit itkiləri üçün yaradılmış ehtiyatın azad olması hesabınad olduğu da qeyd edilməlidir.