Azərbaycandan olan investorlar Türkiyədə 31 anonim şirkət yaradıb
Bu ilin yanvar-oktyabr aylarında xarici investorlar Türkiyədə 10 682 şirkət yaradıb.
"ENA" türk mətbuatına istinadən xəbər verir ki, bu, ötən ilin eyni dövrü ilə müqayisədə 3,6% azdır.
Xarici kapitallı yeni şirkətlərin 949-u anonim, 9 733-ü isə "limited" (məhdud məsuliyyətli) şirkətlərdir. Son 1 ildə "anonim" şirkətlərin sayı 1,9% artıb, "limited" şirkətlərin sayı isə 4,15% azalıb.
Eləcə də bax: Pakistan Azərbaycanda şirkət yaratmaq fəallığında liderdir
10 ay ərzində xaricilərə məxsus şirkətlərin ümumi nizamnamə kapitalı təxminən 4 milyard lirə və yaxud 690 milyon ABŞ dolları təşkil edib. Bunun 1,4 milyard lirəsi və yaxud 240 milyon dolları "anonim" şirkətlərə, 2,6 milyard lirəsi və yaxud 450 milyon dolları isə "limited" şirkətlərə yatırılıb.
Hesabat dövründə Türkiyədə ən çox anonim şirkətləri İran (49), Almaniya (45) və Azərbaycandan (31) olan investorlar yaradıb. "Limited" şirkətlərin sayına görə isə ilk 3-lüyə İran (772), Suriya (384) və Səudiyyə Ərəbistanı (362) daxildir.
