Spiker: "Camaata dərs keçmə"
Azərbaycan Milli Məclisinin bu gün keçirilən plenar iclasında mübahisə yaranıb.
BI xəbər verir ki, bu, deputat Zahid Orucun məhkəmələrə hakim təyinatı layihəsi ilə bağlı çıxışı zamanı baş verib.
Z.Oruc çıxış edərkən deputat Yevda Abramov “Çox danışırsan” replikasını atıb.
Z.Oruc da deputat həmkarına “Yevda müəllim, sizə böyük hörmətim var, amma bu fikirləri deməyə hüququm var. İmkan verin, sözümüzü deyək. İclasa gəlmək istəmirsinizsə, gəlməyin” cavabını verib.
Spiker Oqtay Əsədov isə Z.Oruca çıxışını davam etdirməyi tövsiyə edib: “Camaata dərs keçmə. Sözü bir kəlmə dedin bitdi, uzatmaq lazım deyil”.
