Azərbaycanın domen zonasında qeydiyyatdan keçən saytların sayı - AÇIQLANDI
Bu günədək Azərbaycanın milli domen zonasında (".az") 32 527 internet resursu qeydə alınıb.
ENA.az WHOIS portalına istinadən verdiyi məlumata görə, ilin əvvəlindən ".az" domenində qeydiyyatdan keçən saytların sayı 4,2% artıb. Qeydə alınmış saytların ümumi sayının 30 349-u birinci səviyyəli domen zonasında aiddir ki, bu da cari ilin əvvəlində olan göstəricini 12% üstələyir.
Ən məşhur ikinci səviyyəli domen “.com.az”dır. Bu domendə 1 221 sayt qeydiyyatdan keçib. Bu göstərici üzrə ilin əvvəlindən 4,7% artım müşahidə olunub.
Populyarlığa görə üçüncü yerdə isə “.edu.az” domeni qərarlaşıb. Bu domendə 432 sayt qeydiyyatdan keçib ki, bu da cari ilin əvvəlində olan göstəricini 17,7% üstələyir.
Digər domen zonalarında qeydiyyatdan keçmiş saytların pay bölgüsü:
|
Domen |
Qeydiyyatdan |
|
pro.az |
1 |
|
name.az |
13 |
|
biz.az |
24 |
|
pp.az |
26 |
|
int.az |
32 |
|
net.az |
81 |
|
info.az |
102 |
|
co.az |
108 |
|
org.az |
138 |
Qeyd edək ki, “.az” milli domen zonası rəsmi olaraq 25 avqust 1993-cü ildə fəaliyyətə başlayıb. Bu domeninin qeydiyyat haqqı və illik texniki dəstək xərci 20 manat təşkil edir.
