Azərbaycanda yeni onlayn kassa aparatları tətbiq ediləcək - QƏRAR
Azərbaycanda yeni onlayn kassa aparatlarının tətbiqi ilə bağlı qərar qəbul olunub və bu məsələ qanunvericilikdə öz əksini tapıb.
ENA.az xəbər verir ki, bunu "Təhsil Biznes Forumu – mövcud vəziyyət və perspektivlər" adlı tədbirdə çıxış edən Vergilər Nazirliyinin Tədris Mərkəzinin rəisinin 1-ci müavini Mirəli Kazımov deyib.
Eləcə də bax: Azərbaycanda "KOB-kadr bankı" yaradılır
Onun sözlərinə görə, növbəti aylarda bu çərçivə qaydasının yerinə yetirilməsinə başlanacaq.
"Bu kassaların tətbiqindən sonra onların işlədiyi dövrdə hər bir şəxsin biznes müəssisəsindən kassa çekini tələb etməsi şəffaflığa gətirib çıxaracaq. Bununla bağlı biz İsveçrənin təcrübəsi ilə yaxından tanış olmuşuq və inanırıq ki, bu sistemin Azərbaycanda tətbiqi həmin o şəffaflığın təmin edilməsində çox böyük zəmin yaradacaq. Bu da onu göstərir ki, artıq ictimaiyyət dövlət orqanlarının işində birbaşa iştirak edəcək ", - deyə M. Kazimov bildirib.
O həmçinin əlavə edib ki, bu sistemin tətbiqi operativ nəzarət yoxlamaları aradan qaldıracaq.
