İran ABŞ-a nota verib

İran Xarici İşlər Nazirinin Müavini Abbas Arakçi, hava məkanlarının pozulması səbəbilə ABŞ-ın İsveçrənin Tehrandakı Səfirliyindəki ABŞ-ın Maraqlarını Qoruma Ofisinə etiraz notası təqdim edildiyini bildirib.

İran dövlət televiziyasının verdiyi xəbərə görə, Arakçi, ABŞ-ın İran hava məkanını və su sərhədlərini pozduğunu bildirib, Vaşinqton rəhbərliyindən sərhədlərinə hörmət göstərməsini və beynəlxalq sazişlərə sadiq qalmasını istədiklərini qeyd edib.

İran İnqilab Keşikçiləri Ordusu, səhər saatlarında Oman Körfəzi sahilindəki Hürmüzgan əyalətinə bağlı Kuhmubarek şəhəri sahilində "İran hava məkanını pozan" ABŞ Hərbi Hava Qüvvələrinə məxsus "RQ-4 Global Hawk" tipli dronun raketlə vurularaq endirildiyini açıqlamışdı.
 

ABŞ- İRAN GƏRGİNLİYİ

ABŞ Mərkəzi Qüvvətlər Komandanlığı (CENTCOM) isə Hörmüz Boğazı üzərində uçan ABŞ Hərbi Hava Qüvvələrinə aid insansız hava vasitəsinin İran tərəfindən vurulduğunu təsdiqləmiş, lakin sözügedən dronun "beynəlxalq hava məkanında" uçarkən vurulduğunu bildirmişdir.
 
ABŞ Prezidenti Donald Tramp da qısa müddət öncə "Twitter"də paylaşdığı mesajında ABŞ-a aid insansız hava vasitəni vuran Tehrana, "İran çox böyük bir səhv etdi" sözləri ilə reaksiya göstərib. Tramp, "İrana qarşı bir hücum planı varmı?" sualına isə "Yaxında görəcəksiniz"  cavabını vermişdi.
 
Tehran ilə Vaşinqton arasındakı gərginlik, ötən həftə Oman körfəzində iki tankerə qarşı hücum səbəbindən daha da artıb. ABŞ rəhbərliyi hücumlarla bağlı İranı günahlandırmış, Tehran isə ittihamları rədd etmişdi.
 
ABŞ-ın 2018-ci ilin May ayında nüvə müqaviləsindən birtərəfli çıxaraq İrana sanksiyaları yenidən tətbiq etməyə başlamasından sonra Tehran-Vaşinqton xəttində yaşanan gərginliyin son həftələrdə baş verən hadisələr ilə toqquşmaya çevrilməsindən narahatlıq edilir.