Samaradan Bakıya həftəlik reyslərin sayı iki dəfə artacaq
İyunun 10-dan Rusiyanın “Ural Hava Yolları” aviaşirkəti Samara-Bakı-Samçara marşrutu ilə uçuşların sayını artıracaq. Bu barədə aviaşirkətdən məlumat verilir.
“Hazırda aviaşirkət cümə günləri Samaradan Bakıya birbaşa uçuşlar həyata keçirir. İyunun 10-dan “Ural Hava Yolları” bu marşrut ilə bazar ertəsi əlavə reys həyata keçirəcək”, - məlumatda qeyd olunur.
Uçuşlar “Airbus А320” təyyarələri ilə həyata keçirilir.
Samaradan Bakıya biletin qiyməti 98 avrodan, Bakıdan Samaraya – 133 avrodan başlayır.
