Azərbaycana gətirilən palma yağı iki qat artıb
Azərbaycana xaricdən gətirilən palma yağının qiyməti 32% bahalaşsa belə, gətirilən həcm artıb. İdxal dəyəri ümumilikdə 2,4 dəfə artıb.
ENA.az xəbər verir ki, gömrükdən keçən bu məhsulun ümumi idxal dəyəri 12 milyon 311,08 min ABŞ dolları təşkil edib.
!@#
Bu məhsulların idxal həcmi isə 14 min 284,13 tonluq xam palma yağı və onun fraksiyaları gətirilib. Bu isə həcm ilə hesablasaq, ötən ilin eyni dövrü ilə müqayisədə 80% artımın olması deməkdir.
İdxal edilən xam palma yağının 1 kq-ı Azərbaycana 0,86 dollara başa gəlib, bu öncəki ildə 0,65 dollar təşkil edirdi. Lakin, bunu da qeyd etməliyik ki, ötən il biz bu xam məhsulu 0,65 dollar/kq dəyərində idxal etdiyimiz vaxtda, bu, Niderlandda 0,66 dollar/kq və Rusiyaya hətta 0,75 dollar/kq dəyərində idxal olunmuşdu.
Gömrükdən açıqlanan statistikaya görə, bu xam malın ölkəmizə əsas idxalçısı İndoneziya olub ki, bunun da idxal miqdarı 7 min 675,56 ton təşkil edib. Bu isə 6 milyon 648,3 dollar dəyərdə olması deməkdir. Qalan 6 min 608,56 tonu Malayziyadan (5 milyon 662,78 dollar) gətirilib.
Qeyd edək ki, Azərbaycanda bir çox qidalara – əsasən də kərə yağı tərkibinə qatılması ilə bağlı bir neçə dəfə iddialar qaldırılıb.
Lakin, ötən ildə ölkənin ən böyük qida istehsalçısı “Azersun Holdinq”in rəhbəri Abdulbari Gozal bununla bağlı press-konfransda bu qidaların “zərərli” olmadğını demişdi.
