"PSG Kapital İnvestisiya Şirkəti"nin xalis mənfəəti 10 dəfə artıb
"PSG Kapital İnvestisiya Şirkəti" QSC 2018-ci ili 387 min manat xalis mənfəətlə başa vurub.
Şirkətin maliyyə hesabatına görə, bu, 2017-ci ilə nisbətən 9,7 dəfə çoxdur.
Ötən il "PSG Kapital"ın investisiya məsləhətlərindən gəlirləri 892 min manat, anderraytinq xidmətləri üzrə gəlirləri 179 min manat, idarəçilik gəlirləri 92 min manat, broker fəaliyyətindən gəlirləri 64 min manat, faiz gəlirləri 488 min manat, digər gəlirləri 152 min manat, əməliyyatlardan zərəri 253 min manat, peşəkar xidmətləri üzrə xərcləri 714 min manat, haqq və komissiya xərcləri 7 min manat, reklam xərcləri 36 min manat, üzvlük xərcləri 17 min manat, işçi heyəti üzrə xərcləri 161 min manat, informasiya texnologiyaları üzrə xərcləri 6 min manat, köhnəlmə xərcləri 17 min manat, bank xərcləri 5 min manat, rabitə xərcləri 12 min manat, icarə xərcləri 23 min manat, ofis xərcləri 42 min manat, digər xərcləri 69 min manat, məzənnə fərqindən zərəri 17 min manat, mənfəət vergisi ödəmələri isə 100 min manat təşkil edib.
Bu il yanvarın 1-nə "PSG Kapital"ın aktivləri 22 milyon 842 min manat olub ki, bu da illik müqayisədə 58,8% çoxdur. Hesabat dövründə investisiya şirkətin öhdəlikləri 52,5% artaraq 20 milyon 360 min manata, balans kapitalı isə 2,4 dəfə artaraq 2 milyon 482 minn manata, o cümlədən nizamnamə kapitalı 2 dəfə artaraq 2 milyon manata çatıb.
