Problemli kreditlərin həlli zamanı vaxtilə bankların müştərilərinə etdiyi güzəştlər nəzərə alınacaq

Azərbaycanda banklar vətəndaşların ödəniş qabiliyyətini bərpa olunması üçün vaxtilə onlara müəyyən güzəştlər təklif edib.

“BI” xəbər verir ki, bunu Maliyyə Bazarlarına Nəzarət Palatasında fiziki şəxslərin problemli kreditləri üzrə kompensasiya ödənişi və restrukturizasiyası ilə bağlı keçirilən portalın təqdimatı zamanı qurumun Nəzarətin metodologiyası və tənzimləmə idarəsinin rəisi Orxan İsmayılov bildirib.

Onun sözlərinə görə, prezidentin bu məsələ ilə bağlı fərmanda isə yaranmış məzənnə fərqindən çəkilən zərərə görə kompensasiyanın ödənilməsi nəzərdə tutulub.

“Əgər kredit təşkilatı xüsusi məzənnə endirimləri milə üqavilə təklif edibsə o zaman həmin güzəşt hesablanmış kompensasiya məbləğindən çıxılacaq, ona uyğun olaraq hesablanacaq”, - deyə O.İsmayılov əlavə edib.

Palatanın mətbuat katibi Elşən Allahverdiyev isə bildirib ki, vətəndaşlar növbəlilik prinsipi ilə banklara dəvət olunacaqlar.

“Ən geci aprel ayının sonundan kompensasiyaların ödənilməsinə başlanılacaq”, - deyə o, qeyd edib.