Neft ABŞ ehtiyatlarının artması fonunda ucuzlaşıb (16.09.2026)
Neftin qiyməti ABŞ-da xam neft ehtiyatlarının gözlənilmədən artması fonunda geriləyib.
ENA.az xəbər verir ki, Brent markalı neftin qiyməti 0,86% azalaraq bir barel üçün 107,82 ABŞ dollarına, WTI markalı neftin qiyməti isə 0,92% düşərək 104,86 dollara geriləyib.
ABŞ-da 11 sentyabrda başa çatan həftədə xam neft ehtiyatları 7,1 milyon barel artıb. Analitiklər isə ehtiyatların 1,6 milyon barel azalacağını gözləyirdilər. Benzin və distillə edilmiş məhsulların ehtiyatlarında da artım qeydə alınıb.
Bununla yanaşı, Səudiyyə Ərəbistanında Doğu-Qərb neft kəmərinə hücumdan sonra Yanbu limanında neft yükləmələrinin dayandırılması qlobal təchizatla bağlı narahatlıqları artırıb.
