Sənədsiz inşa edilmiş evlər sənədləşdiriləcək - ADMİNİSTRASİYADAN TAPŞIRIQ
Azərbaycanda fərdi yaşayış evlərinin sənədləşdirilməsinə hazırlıq başlayıb.
Əmlak Məsələləri Dövlət Komitəsindən "BI"yə verilən məlumata görə, daşınmaz əmlakın qeydiyyatı sahəsində son illər bir sıra yeniliklər və vətəndaşlara göstərilən xidmətlərin keyfiyyətinin artırılması ilə bağlı geniş tədbirlər həyata keçirilir.
Eləcə də bax: Bakının mənzil bazarında son vəziyyət - Qiymətlər necə dəyişib?
Bununla bağlı “kütləvi çıxarış”, “əmlakını qeydiyyata al və mülkiyyətinə sahib ol” kimi sosial layihələr reallaşdırılmaqla vətəndaşlara öz ünvanlarında xidmət göstərilir, əmlaklarının qeydiyyata alınması məsələləri təbliğ edilir.
Lakin qeyd edilməlidir ki, bir çox hallarda vətəndaşlar tərəfindənkənd təsərrüfatı təyinatlı torpaqlarda, habelə mühafizə zolaqlarında yaşayış və ya qeyri-yaşayış binaları inşa edilir ki, onların qeydiyyata alınması qanunvericiliklə mümkün olmur vəçətinliklər yaranır.
Eləcə də bax: Fərdi yaşayış evləri də sənədləşəcək - KOMİTƏDƏN AÇIQLAMA
Digər tərəfdən vətəndaşlar qeydiyyatla bağlı müvafiq sənədləri olmasına baxmayaraq əmlaklarının qeydiyyata alması ilə bağlımüraciət etmirlər.
Hazırda Azərbaycan Respublikasının Prezident Administrasiyasının tapşırığına uyğun olaraq Komitə tərəfindənözbaşına və sənədsiz inşa edilmiş tikililərin sənədləşdirilməsi ilə bağlı konsepsiya hazırlanır. Yaxın zamanlarda həmin konsepsiya Azərbaycan Respublikasının Prezident Administrasiyasına təqdim ediləcəkdir.
Eyni zamanda Ölkə başçısının tapşırığına əsasən istismara qəbul edilmiş çoxmərtəbəli yaşayış binalarında yerləşən mənzillərin qeydiyyata alınması sahəsində bilavəsitə ünvanlarda sakinlərin çıxarışlarının verilməsi işlərinə başlanılmışvədavam etdirilir.
