Ağdamda yaşayış binalarının tikintisinə 26 milyon manat ayrıldı
Ağdam, Füzuli və Xocavənd Rayonlarında Bərpa,Tikinti və İdarəetmə Xidməti publik hüquqi şəxsi Ağdam şəhəri 4 nömrəli yaşayış massivi, 7 və 8-ci məhəllələr üzrə çoxfunksiyalı orta mərtəbəli yaşayış binalarının tikintisinə 26 milyon 13 min 265 manat vəsait ayırıb.
ENA.az xəbər verir ki, tikinti işləri SMTS Məhdud Məsuliyyətli Cəmiyyətinə həvalə olunub.
Müvafiq işlərin icrasına bu ayın 12-dən başlanılıb, gələn ilin oktyabr ayına qədər bitməyi planlaşdırılır.
Qeyd edək ki, qalib şirkət olan SMTS MMC 2007-ci ildə dövlət qeydiyyatına alınıb. Nizamnamə kapitalı 612 435 AZN olan şirkətin qanuni təmsilçisi Allahyarov Ağalar Məmmədağa oğludur.
