“Coca-Cola” ABŞ-də içki reseptini dəyişəcək
ABŞ prezidenti Donald Tramp içkinin reseptini dəyişdirmək üçün “Coca-Cola” ilə razılığa gəldiyini bildirib. Məlumata görə, bundan sonra qazlı içkilərdə qarğıdalı siropu əvəzinə qamış şəkərindən istifadə ediləcək.
“Coca-Cola-nı idarə edən hər kəsə təşəkkür etmək istəyirəm, bu, onlar tərəfindən çox yaxşı qərardır. Görəcəksiniz, bu şəkildə daha yaxşı olacaq”, – deyə Tramp söyləyib. Şirkət əlavə edib ki, Donald Trampın brendin məhsullarına olan həvəsini yüksək qiymətləndirir.
ABŞ-nin səhiyyə naziri Robert Kennedi kiçik fruktoza tərkibinə görə qarğıdalı siropunu ölkədə piylənmə epidemiyasının səbəblərindən biri kimi göstərib. “Coca-Cola” 1980-ci ildə şəkərin qiymətinin artması səbəbindən onu içkiyə əlavə etməyə başlayıb.
Şirkət artıq “meksikan kola” kimi tanınan qamış şəkəri ilə şirinləşdirilmiş içki istehsal edir. Onu ABŞ-də, latın əhalisi yaşayan ərazilərdə tapmaq mümkündür.
