Almanlar və italyanlar qızıllarını ABŞ-dan geri istəyirlər
Qızıl ehtiyatlarını ABŞ-da saxlayan Almaniya və İtaliya ictimaiyyəti qızılları geri qaytarıb-qaytarmamağı müzakirə edir və bu məsələdə administrasiyaya təzyiqlər artır.
Dünya Qızıl Şurasının məlumatlarına görə, Almaniya və İtaliya müvafiq olaraq 3,352 ton və 2,452 ton ehtiyatları ilə ABŞ-dan sonra dünyada ikinci və üçüncü ən böyük qızıl ehtiyatlarına malikdirlər.
Hər iki ölkə qızılının üçdə birindən çoxunu ABŞ-da saxlayır və Nyu-York Fed-ə çox güvənir. Hesablamalara görə, hazırda Nyu-York FED-də saxlanılan qızılın ümumi bazar dəyəri 245 milyard dollardan çoxdur.
Bloomberg yazır ki, Alman-İtalyan siyasətçisi, Almaniyanın Sol Partiyasından keçmiş Avropa Parlamentinin üzvü, hazırda sol populist BSW partiyasına qoşulan Fabio De Masi verdiyi müsahibədə qızılın Avropaya və ya Almaniyaya geri qaytarılmasını dəstəkləmək üçün "güclü səbəblərin" olduğunu söyləyib.
Ölkələrin qızıllarını ABŞ-da saxlamasının əsas səbəblərindən biri də Nyu-Yorkun Londonla birlikdə dünyanın ən mühüm qızıl ticarət mərkəzlərindən biri olmasıdır.
Qızılın geri qaytarılması ictimaiyyətdə müzakirə olunur
Almaniyada qızılın geri qaytarılması təklifi həm sağ, həm də sol siyasi partiyalardan dəstəklənir. Financial Times xəbər verir ki, Almaniya Mərkəzi Bankının (Bundesbank) ölkənin qızıl ehtiyatlarını qorumaq üçün “tələsik” hərəkət etməsinə çağırışlar var.
Gauweiler dedi: "Biz xaricdə qızılın saxlanmasının son on ildə daha təhlükəsiz və sabit olub-olmaması sualını həll etməliyik. Cavab aydındır (YOX), çünki geosiyasi risklər dünyanı daha az təhlükəsiz yerə çevirir".
Avropa Vergi Ödəyiciləri Assosiasiyası da bu yaxınlarda Almaniya və İtaliyanın maliyyə nazirliklərinə mesaj göndərərək, onların mərkəzi banklarını qızıl anbarı kimi ABŞ-a etibar etmələrini yenidən nəzərdən keçirməyə çağırıb.
Trampın FED-in müstəqilliyinə müdaxilə etməsindən dərin narahatlıq duyduqlarını ifadə edən Assosiasiya prezidenti Jəger, "Bizim tövsiyəmiz Almaniya və İtaliyanın qızıllarını ölkələrinə qaytarması və Avropa Mərkəzi Bankının (AMB) bu qızıl üzərində nəzarətə sahib olmasıdır" deyib.
İtaliyanın baş naziri Giorgia Meloni aprel ayında Vaşinqtonda Trampla görüşməzdən əvvəl baş nazirin adaşı, məşhur iqtisadi şərhçi Giorgia Meloni yerli qəzetdə yazırdı: “İtaliyanın qızıl ehtiyatlarının 43 faizini etibarsız Tramp administrasiyasına buraxmaq ölkənin maraqları üçün çox təhlükəlidir”.
