FED faizləri sabit saxladı

ABŞ Federal Ehtiyat Sistemi (FED) faiz dərəcəsini dəyişməyərək 4,25–4,5% səviyyəsində saxladı.

Məlumata görə, FED bu səviyyəni artıq ardıcıl dördüncü dəfə qoruyur.

Qərar bazar və analitiklərin gözləntilərinə tam uyğun gəldi. FedWatch alətinə görə, bu ssenarinin ehtimalı qərardan əvvəl 99,9% səviyyəsində idi. Yalnız 0,1% ehtimal 25 bəndlik endirimi göstərirdi.

FED qərarını ABŞ prezidenti Donald Trampın faiz endirimi çağırışlarına baxmayaraq dəyişməz saxladı.

Əksər iqtisadçılar hesab edir ki, tənzimləyici qurum 2025-ci ildə monetar siyasəti yumşaltmağa başlayacaq.

Növbəti iclas 29–30 iyulda keçiriləcək.

Lakin bazar faiz endiriminin iyulda deyil, sentyabrda və ya daha gec reallaşacağını gözləyir.