Metal qiymətlərində sərt eniş

Metallar yeni tariflərə birbaşa daxil edilməsə də, ticarət müharibələrinin qlobal iqtisadiyyata zərər verə biləcəyi ehtimalı qiymətləri aşağı salıb.

İnvestorlar riskli aktivləri geridə qoyaraq təhlükəsiz sığınacaqlara üz tutdular. Bu vəziyyət mis, alüminium və sinkin qiymətlərinin ucuzlaşmasına səbəb olub. Analitiklər ilin sonunda daha da azalmaların mümkün olacağını proqnozlaşdırırlar.

London Metal Birjasında misin qiyməti 2 faiz ucuzlaşaraq bir ton üçün 9510,50 dollar olub. Alüminium qiymətləri son yeddi ayın ən aşağı səviyyəsinə düşüb. Nyu-York mis fyuçersləri 2,6% ucuzlaşıb. Sink qiymətləri 1 faizdən çox, Sinqapurda dəmir filizi fyuçersləri isə 0,6 faiz ucuzlaşıb.