Bitcoin kəskin ucuzlaşdı. Təhlilçilər "kriptovalyuta ehtiyatı planı"na şübhə ilə yanaşır
Coinmarketcap analiz firmasının məlumatına görə, Bitcoin də daxil olmaqla qlobal kriptovalyuta bazarının dəyəri 24 saat ərzində 10 faizdən çox azalaraq 2,78 trilyon dollara düşüb.
Ən böyük kriptovalyuta olan bitkoin son 24 saat ərzində təxminən 10 faiz ucuzlaşaraq 85 min dollardan aşağı düşüb.
Bakı vaxtı ilə saat 13:00-ə olan məlumata görə, Bitcoin 83.789 dollardan alınıb və onun həftəlik dəyər itkisi sözügedən enişlə 9 faizə yüksəlib.
Bitcoin keçən ay 17 faizdən çox ucuzlaşıb, bu, 2022-ci ilin iyun ayından bəri ən böyük aylıq azalmadır.
Trampın strateji Bitcoin fondunu dəstəkləyəcəyi və keçmiş prezident Co Baydenin repressiyalarına son qoyacağına dair nikbinlik 2024-cü ilin noyabrından bəri Bitcoin-in yüksəlişini dəstəkləyir.
Bazar dəyərinə görə ikinci yerdə olan Ethereum-un qiyməti təxminən 14 faiz azalaraq 2102 dollar olub.
ABŞ prezidenti Donald Tramp bazar günü Bitcoin və Ethereumun daxil olacağı strateji kriptovalyutanın kriptovalyuta sənayesini gücləndirəcəyini bildirib.
Təhlilçilər Trampın kriptovalyuta ehtiyatı planı ilə bağlı investorlar arasında nikbinliyin azaldığını və planla bağlı narahatlıqların davam etdiyini qeyd ediblər.
