Ehtiyat aktivlərindəki 182 milyon dollarlıq artım necə formalaşıb?
Azərbaycan dövlət borcunun ödənilməsi istiqamətində ehtiyatlı siyasət yürüdür və xarici borclanmanın yarada biləcəyi riskləri minimallaşdırmağa çalışır.
Bu ilin 9 ayı üzrə ölkəmizin əsasən xarici maliyyə öhdəliklərinin azalması ilə əlaqədar kapital və maliyyə balansında 3,6 milyard dollarlıq kəsir formalaşıb.
AMB-nin Statistika Departamentinin rəhbəri Samir Nəsirovun açıqlamasına görə, cari əməliyyatlar balansının profisiti hesabına kapital və maliyyə balansındakı bu kəsir tam örtülüb və nəticədə ehtiyat aktivlərimiz 182 milyon dollar həcmində artıb.
