ABŞ və Çin arasında gərginliyi artıracaq addım
Çinin ABŞ ilə ticarətlə bağlı gərginləşən mübahisəsi Ukraynanın müdafiəsinin mühüm hissəsinə çevrilmiş pilotsuz təyyarələrə qədər uzandı.
Bloomberg-in məlumatına görə, Çin istehsalçıları bu yaxınlarda ABŞ və Avropaya pilotsuz uçuş aparatlarının istehsalında istifadə olunan əsas komponentlərin satışını məhdudlaşdırmağa başlayıblar.
Mənbələr Bloomberg-ə bildiriblər ki, bu addımlar qərb rəsmilərinin Pekinin yeni ildə tətbiq edəcəyini gözlədiyi dron hissələrinə daha geniş ixrac məhdudiyyətləri üçün müqəddimədir.
Mənbələrdən birinin dediyinə görə, bu yeni təcrübələr komponentlərin məqsədli istifadəsinə əsaslanan lisenziyaların təsdiqlənməsi və ya Çin şirkətlərinin hökumətə göndərilmə planları barədə məlumat vermələrini tələb etmək kimi daha mülayim öhdəlikləri əhatə edə bilər.
Mənbələr, pilotsuz uçan aparat komponentlərinin daşınmasına qoyulan məhdudiyyətlərin həm ABŞ, həm də Avropa şirkətlərinə təsir etdiyini, Çinli istehsalçıların motor, akkumulyator və uçuş nəzarətçi avadanlıqlarının miqdarını məhdudlaşdırdığını və ya daşımaları tamamilə dayandırdığını bildirib.
