Azərbaycan Mərkəzi Bankı “PashaPay”ə lisenziya verib
Azərbaycan Mərkəzi Bankı “MilliÖn”, “m10” bredləri ilə bazarda tanınan ödəniş sistemi şirkəti “PashaPay” MMC-yə lisenziya təqdim edib.
ENA.az xəbər verir ki, İdarə Heyətinin 27 iyun 2024-cü il tarixli qərarı ilə “PashaPay”-a “EPT-004” nömrəli lisenziya təqdim edilib.
Şirkət bu sahələr üzrə icazə əldə edir:
-ödəniş hesabı üzrə pul vəsaitinin nağd formada mədaxili və (və ya) məxarici əməliyyatlarının aparılması;
– kredit köçürməsi, birbaşa debetləşmə, ödəniş kartı və ya digər ödəniş alətləri ilə ödəniş əməliyyatlarının icrası;
– ödəniş əməliyyatının ekvayrinqi;
– pul köçürməsi;
– elektron pulun emissiyası və elektron pul ilə ödəniş əməliyyatlarının icrası;
– ödəniş əməliyyatlarının aparılması üçün vasitəçilik xidməti;
– hesab üzrə məlumat xidməti.
Şirkətin İdarə Heyətinin sədri Məmmədov Samir
Sabir oğlu, İdarə Heyətinin üzvləri isə Abdullayev Cəmil İlyas oğlu və Nərimanov Pünhan İlham oğludur.
Hazırda lisenziyası olan şirkətlər bunlardır: “A-Solutions Elektron Pul Təşkilatı” MMC, “United Payment” MMC, “Modenis” MMC və “PashaPay” MMC-dir.
