Tesla səhmdarları Elon Maskın 56 milyardlıq maaş paketini təsdiqlədilər
Şirkətin Texas ştatının Ostin şəhərində keçirilən illik səhmdar yığıncağında Maskın maaş paketi və şirkətin Texasa köçmək planı ilə bağlı səsvermələr açıqlanıb.
Səhmdarlar həm Maskın maaş paketinin, həm də Teslanın Texasa köçürülməsi təkliflərinin lehinə səs veribdilər.
Yanvar ayında Delaver Məhkəməsinin hakimi Kathaleen McCormick, Maskın təxminən 56 milyard dollar dəyərində maaş paketinin "şirkətin idarə heyəti tərəfindən ədalətsiz olaraq təyin edildiyi" səbəbiylə ləğv edilməsinə hüquqi yol açmışdı.
X hesabında mövzu ilə bağlı paylaşım edən Elon Musk, "Heç vaxt Delaver əyalətində şirkətinizi qurmayın" demişdi. Daha sonra o, şirkəti Texas ştatına köçürmək planını açıqladı.
Bu ilin əvvəlində təxminən 56 milyard dollar dəyərində olan ödəniş paketi Teslanın səhmlərindəki dəyər itkisi səbəbindən bir qədər azaldı.
