Azərbaycana pomidor ixracından 140 milyon dollara yaxın valyuta daxil olub
2024-cü ilin yanvar-avqust ayında Azərbaycandan 139 milyon 545 min dollar dəyərində 116 952 ton pomidor ixrac olunub.
Dövlət Gömrük Komitəsindən verilən məlumata görə, pomidor ixracı ötən ilin eyni dövrü ilə müqayisədə dəyər ifadəsilə 12.3%, miqdar ifadəsilə 4.4% artıb.
2023-cü ilin ilk 8 ayında isə Azərbaycandan 124 milyon 290 min dollar dəyərində 112 064 ton pomidor ixrac olunmuşdu.
Bu il ümumi ixracının 0.77%-i, qeyri-neft sektoru üzrə ixracın isə təxminən 6.40%-i pomidorun payına düşüb.
