Azərbaycanda Respublika Pediatriya Mərkəzi yaradıldı, direktor təyin edildi

TƏBİB-in tabeliyində Respublika Pediatriya Mərkəzi yaradılıb.

Bu barədə TƏBİB-dən bildirilib.

TƏBİB-in Müşahidə Şurasının qərarı ilə yaradılan Respublika Pediatriya Mərkəzinə direktor təyinatı olub.

Belə ki, TƏBİB-in İcraçı direktoru Vüqar Qurbanovun təqdimatı ilə Respublika Pediatriya Mərkəzinə Azər Əhmədov direktor təyin edilib.

İcraçı direktor Vüqar Qurbanov 18 aprel 2024-cü il tarixində yeni təyin olunmuş Azər Əhmədovu kollektivə təqdim edib.