Dövlət büdcəsinə vergi borcları artıb
Azərbaycanın 2023-cü ilin sonuna dövlət büdcəsinə vergi borcları 2 milyard 782,1 milyon manat həcmində qiymətləndirilir.
2022-ci ilin sonuna dövlət büdcəsinə vergi borcları 2 milyard 356,7 milyon manat təşkil edib. Beləliklə, 2023-cü ildə vergi borclarının həcmi 18% artıb.
2023-cü ilin sonunda 96,7 min vergi ödəyicisinin (2022-ci ilin sonunda – 92,5 min vergi ödəyicisinin) borcu olub.
2024-cü il yanvarın 1-nə vergi borclarının əsas məbləği 1 milyard 809,9 milyon manat, cərimələr 696,5 milyon manat, maliyyə sanksiyaları 275,7 milyon manat həcmində qiymətləndirilir.
