Neft yenə bahalaşdı - QİYMƏT (03.04.2024)
Brent markalı neftin qiyməti çərşənbə axşamı oktyabr ayından bəri ən yüksək həddə bağlandıqdan sonra bir barel üçün 89 dollar ətrafında dəyişir. ABŞ xam nefti təxminən 85 dollar
Amerika Neft İnstitutu ötən həftə ölkə üzrə ehtiyatların 2 milyon barreldən çox azaldığını bildirdi. Çərşənbə günü rəsmi məlumatların açıqlanmasından əvvəl edilən proqnozlar da benzin və distillə ehtiyatlarının azaldığını göstərdi.
OPEC və müttəfiqləri çərşənbə günü onlayn iclasda xam neft bazarlarını və tədarük siyasətini nəzərdən keçirəcəklər və üzv ölkələrin rəsmiləri ümumi strategiyalarının dəyişməz qalacağını proqnozlaşdırırlar.
Ukraynanın Rusiyanın enerji infrastrukturuna hücumları və Yaxın Şərqdəki gərginlik qiymətləri dəstəklədiyi üçün xam neft bu il bahalaşır. OPEC-in məhdudiyyətləri bazarı sərtləşdirir, hətta bəzi üzvlər razılaşdırılmış bütün ixtisarları həyata keçirməkdən çəkinir.
Commonwealth Bank of Australia-nın analitiki Vivek Dhar dedi: "OPEC+ artıq könüllü hasilat azaldılmasını ilin ortalarına qədər uzatdığı üçün bu gün keçiriləcək virtual OPEC+ toplantısı, çox güman ki, qrupun hazırkı siyasətini bir daha təsdiqləyəcək. Bizim fikrimizcə, Çinin neftə tələbatının artımı olacaq" - deyib.
