İranın İsrailə hücum əmri nefti bahalaşdırır - QİYMƏT (01.08.2024)

İranın HƏMAS lideri İsmayıl Haniyənin öz ərazisində öldürülməsinə cavab olaraq İsrailə hücum əmri verməsindən sonra neft yüksəlməyə davam edib.

Brent markalı neft əvvəlki sessiyada 3,6 faiz bahalaşdıqdan sonra barrel üçün 81 dolları keçib, ABŞ xam nefti isə 78 dolların üstündədir.

New York Times yazır ki, İranın ali dini lideri Ayətullah Əli Xamenei İsrailə birbaşa hücum əmri verib. 

Neftin bahalaşması Neft İxrac Edən Ölkələr Təşkilatının əsas üzvləri və onların müttəfiqlərinin icmal iclasından əvvəl baş verir. Nümayəndələr qrupun cümə axşamı sessiyasının dördüncü rübdən başlayaraq istehsalın yenidən başlaması planlarında heç bir dəyişiklik etməyəcəyini gözləyirlər.

Commonwealth Bank of Australia analitiki Vivek Dhar deyib: "Neft bazarları Haniyənin öldürülməsinin İranı birbaşa İsraillə müharibəyə sürükləyəcəyindən narahatdır. Bu, İranın neft tədarükünü və əlaqədar infrastrukturunu riskə ata bilər".

Xam neft iyul ayında aylıq azalma nümayiş etdirsə də, əsas idxalçı Çindən tələblə bağlı narahatlıqlar artdığından müəyyən diapozonda qalır. Yüksək qiymətlər dünya xam neftinin təxminən üçdə birinin mənbəyi olan Yaxın Şərqdəki gərginlik və OPEC+ məhdudiyyətlərinin və monetar yumşaldılmasının ABŞ tələbini artıracağına dair gözləntilərdən qaynaqlanır. FED-in sədri Jerome Powell Çərşənbə axşamı faiz endiriminin sentyabr ayında baş verə biləcəyini söylədi.